如果你睇足球大賽，想投入啲睇到尾，捧德、意呢幾十年來，從來冇乜長期空虛失望嘅感受！兩軍上次用唔同方法玩到入4強，德國膽大更亮麗，放輕7戰對賽不勝魔咒，莊家?低單W，上盤超高水也可試一注。

　　有些國家隊，天性真係決定了自己命運！看法、荷球員自負心態間歇性發作，累團隊常留污名；可惜佢哋幾時內訌，局外人從來唔知。英格蘭唔打假，常奮戰似隻牛；但英超各強豪早成各聯合國陣營，除非限制外援數目，否則國家隊難成氣候，永遠只回望66年捧世盃嘅小歷史。

　　德、意上仗分途踢8強，同樣亮麗；意軍鬥英令人意外地全力進取，結果35次射門未有入球，兩大箭頭信唔過。肯射但唔準，巴神同卡斯辛奴今屆只係各入1粒，仲係喺愛爾蘭身上取得；33歲嘅派路上場往往喺中圈後啲校長炮，英軍兩老中場柏加同打到早抽筋嘅謝四冇佢符。不過德國中場命脈、轉型打防中嘅舒韋恩史迪加及時傷癒，配基迪拉掃蕩，派路難踢得舒服。意大利呢場會由主攻漸變主守，打突擊等博懵；個人認為佢哋頂多90分鐘博守和再算。

　　德國係大賽銀行球隊，相信唔少人都認同，上仗大膽變陣炒希臘，*友最樂；比劇戰英軍120分鐘兼唞少兩天嘅意大利，晉級肯定有優勢。德國人從來講實際，今場再變陣都唔會好似啲玩內訌嘅「衰波」球隊。多項歐洲足協官網嘅數據王排名表，德國多不入前10，實際更厲害。4強中，佢哋射門中框最少但卻入最多的9球；相反意軍4戰射中龍最多，有50次，但只入可憐嘅4球。

　　玩弄希臘後，我信德國唔會再玩嘢，估馬里奧高美斯復任正選攻堅，早捧神射手獎者，等佢再「士哥」啦！

　　今日心水
　　熱：德國勝
　　冷：德國勝1:0，2:0