新特首係人係鬼，七一後會揭盅，到時好多嘢都唔可以不斷用人肉錄音機話「唔會評論」。歐國盃來到第2輪，小弟早講過係出擊黃金期，賽前看好波蘭，真愛定錯愛，好快便知，唔使等七一決賽；追多鋪，只望佢哋吸取首戰險保1分嘅教訓，重整軍容，冷?正勢如虹嘅世仇俄羅斯。

　　話咁快，首輪玩完；相信每位睇過晒16隊出場球隊嘅球迷，會有唔同感受，尤其迷信早前友賽賽績，奉球隊盤路為神明者，必定激氣得更咬牙切齒。連狂牛都倒灶，究竟禮拜日晚佢哋對意大利係「真和，定唔想贏？」，下次對愛爾蘭必會揭盅。

　　尤幸小弟避得過西班牙，苦戰至第3輪尾場，爭霸心水克羅地亞同神射手謝拉域即開到齋，算係賽前暫時估得最應嘅一場波；可惜唔夠狠貼埋[-1]，博咗謝拉域首球，結果呢把尖刀開咗球隊嘅secondgoal。睇隊形，克軍對辦，講定下戰唔會怕洗盡鉛華嘅意軍。

　　A組今晚兩場波睇賠率已見勢均力敵，重點當然係波蘭迎戰俄羅斯。夾在德俄兩大強國中間，波蘭人在歷史上滿是悲劇，仇德更仇俄，大家有時間可翻看歷史資料；今晚更貴為主辦國出場，呢隊「波」必定打甩髀。我倒不擔心上場鬥希臘時耗損元氣嘅波蘭主力谷唔起，也不擔心大家以為經驗充足、其實只是牛奶嘴龍門嘅施捷斯尼停賽，會對防線有重大影響。最重要佢哋能將上仗對希臘上半場嘅勁勢同進攻流暢度，平均演繹喺一場90分鐘嘅比賽裏；這類既熟路又係世仇嘅「兄弟波」，下盤其實頗穩，只擔心波蘭球員興奮過度，不如改博大冷入球「大」同冷W，更合胃口。

　　今日心水
　　熱：波蘭大
　　冷：波蘭勝